എല്ലാവര്‍ക്കും
ഒരുപോലെ അവകാശമുളള ഒരു ഭൂമി. ഉയര്‍ന്നവനെന്നോ, താഴ്ന്നവനെന്നോ ഉളള ഭേദഭാവങ്ങള്‍
ഇല്ലാത്ത ഭൂമി. ഞങ്ങളുടേത്, നിങ്ങളുടേത് എന്ന അവകാശവാദങ്ങളില്ലാതെ നമ്മളുടേത് എന്ന്
എല്ലാവര്‍ക്കും പറയാന്‍ കഴിയുന്ന ഭൂമി. യുദ്ധങ്ങള്‍ ആരുടേയും ജീവന്‍ അപഹരിക്കാത്ത ഭൂമി.
ഒരാള്‍ക്കും മറ്റുളളവരോട് വെറുപ്പോ, വിദ്വേഷമോ തോന്നാത്ത ഭൂമി. അത്യാഗ്രഹമോ,
സ്വാര്‍ത്ഥചിന്തകളോ ആര്ക്കും ഇല്ലാത്ത ഭൂമി.
ആരും ആര്ക്കും ഒരു
ദ്രോഹവും ചെയ്യാത്ത ഭൂമി. പീഢനഭയമില്ലാതെ, സ്ത്രീകള്‍ക്ക് നിര്‍ഭയം സഞ്ചരിക്കുവാന്‍
കഴിയുന്ന ഭൂമി. മതങ്ങളുടെ പേരില്‍ ആരും
തമ്മിലടിക്കാത്ത ഭൂമി. പകയും, ചതിയും ഇല്ലാത്ത ഭൂമി. വ്യക്തിബന്ധങ്ങള്‍
വിലമതിക്കപ്പെടുന്ന ഭൂമി. എല്ലാവരും പരസ്പരം സ്നേഹിക്കുന്ന ഭൂമി. മനുഷ്യന്‍ എന്ന
പദം മനോഹരമായി നില നില്‍ക്കപ്പെടുന്ന ഭൂമി. നന്മയും സ്നേഹവും നിറഞ്ഞ ഒരു ഭൂമി.
No comments:
Post a Comment