തലയിലെഴുത്ത്

 

ഓരോ നേരത്തോരോന്നു തോന്നും,

തോന്നുന്നതൊക്കെയും ചെയ്യാൻ തോന്നും,

ചെയ്യാനുള്ളത് ചെയ്തു കഴിഞ്ഞാൽ

വയ്യാവേലിയായി അതൊക്കെ മാറും,

കൈയ്യിലിരുപ്പാൽ തട്ട് കിട്ടുമ്പോൾ

ഇങ്ങോട്ടും അങ്ങോട്ടും മാറി തട്ടുമ്പോൾ,

വലയിലകപ്പെട്ട മീനിനെപ്പോലെ

കിടന്നു പിടക്കും നിന്ന് വിയർക്കും,

മിന്നുന്നതെല്ലാം പൊന്നെന്നു കരുതിയോര്

പൊന്നിന്റെ സദ്ഗുണം തീർത്തുമറിയും,

വേണ്ടായിരുന്നെന്നു പിന്നെ തോന്നുമ്പോൾ

തോന്നിയതൊക്കെയും പാഴായി മാറും,

ഗതിയറിയാതെ ഉഴന്നു നടക്കുമ്പോൾ

തനിക്കു താങ്ങായി തൻ മാത്രമാകും,

എന്നിട്ടുമുണ്ടോ പഠിക്കുന്നു മർത്യൻ

തലയിലെഴുത്ത് മായ്ച്ചാൽ മായുമോ?