അമ്മ കാത്തിരിക്കുന്നു

ഇരുട്ടിന്‍ ശ്രുതി മീട്ടി

ഇരുട്ടില്‍ പാടുമ്പോള്‍

നീ അമാവാസി

വെളിച്ചമാത്മാവില്‍

ശ്രുതി ചേര്‍ക്കുമ്പോള്‍

നീ പൌര്‍ണ്ണമി

വാളേന്തിയുളള നടനം

നിന്നെ സന്ധ്യയാക്കുന്നു

രുധിരമണിണ്ഞ്ഞുള്ളനില്പ്

കണ്ണുകളില്‍ കത്തുന്ന ദാഹം

കബന്ധങ്ങള്‍ക്കിടയില്‍നിന്ന്

ദംഷ്ട്രകള്‍ കാട്ടി നീ അലറുമ്പോള്‍

കാലത്തിനുപോലും നിന്നെഭയം

ഈ മാറ്റമെന്തിനായിരുന്നു.

ഈ മുറ്റമായിരുന്നില്ലെ

നിന്റെ ഈറ്റില്ലം.

ഈ കാറ്റായിരുന്നു

നിന്നെ താരാട്ടിയത്

നീ അതെല്ലാം മറക്കുന്നു.

ആള്‍ക്കൂട്ടത്തിനിടയില്‍

ഈ പെറ്റമ്മയെയെങ്കിലും

ഒന്നു തിരിച്ചറിഞ്ഞുവെങ്കില്‍,

മുലപ്പാലിന്റ്റെ ഗന്ധം

അടുത്തറിഞ്ഞുവെങ്കില്‍

ഈ മടിത്തട്ടിലൊന്നുമയങ്ങിയെങ്കില്‍

ഈ അമ്മ അതിനായ് കാത്തിരിക്കുന്നു…..